Policia e Kosovës kapi 2.2 ton kokainë në një konteiner me mish që vinte nga Brazili.
Fillimisht u raportua se lënda narkotike ishte e fshehur në një konteiner me banane, por mediat në Kosovë japin të detajuar se si u kap ngarkesa.
Operacioni për sekuestrimin e kësaj ngarkese të konsiderueshme lënde narkotike është kryer në bashkëpunim nga policia shqiptare, kosovare dhe ajo italiane, të cilët janë sinjalizuar nga DEA amerikane. Sa i takon kësaj sasie rekord droge, policia po e priste prej dy muajsh. Për rastin në fjalë po hetohej prej më shumë se dy muajsh, ndërsa sasia e madhe e lëndës narkotike që vjen nga Brazili, është futur në Durrës para 15 ditësh dhe ka qenë në vëzhgim nga policia.
Po si u pikas droga? Kamioni ishte i mbushur me mish, ku pakove dhe kontenierëve u është vendosur çip. Me të mbërritur konteineri në Durrës, policia shqiptare ka konstatuar drogën, por nuk ka ndërhyrë duke e lejuar që të kryheshin procedurat, për të zbuluar se cili do të ishte destinacioni final i tij. Më tej është njoftuar edhe policia e Kosovës, e cila ka ndërhyrë, duke bërë edhe sekuestrimin e sasisë së madhe të drogës.
