Mbretëria e Bashkuar ka shënuar një rënie të numrit të viktimave nga koronavirusi, në krahasim me ditën e djeshme.
Gjatë 24 orëve të fundit, në MB janë shënuar 384 viktima, 44 më pak se ditën e djeshme. Kështu numri total i viktimave në Britani ka shkuar në 33,998.
Sa i përket numrit të rasteve të reja, vihet re një rritje e lehtë e numrit në krahasim me një ditë më parë. Gjatë 24 orëve të fundit u shënuan 3,560 raste të reja, duke e çuar në 236,711 numrin total të rasteve të identifikuara.
Mbretëria e Bashkuar nuk ka publikuar ende asnjë të dhënë, sa i përket numrit të personave që janë shëruar nga ky virus.
MB renditet e katërta në botë për numrin më të lartë të rasteve me koronavirus në botë, pas SHBA-ve, Spanjës dhe Rusisë.
Më shumë se 4,5 milionë njerëz nga e gjithë bota janë prekur nga koronavirusi, ndërsa mbi 304 mijë persona kanë humbur jetën.
