Koronavirusi ka shënuar 30 raste të reja në Maqedoninë e Veriut.
Sipas mediave vendase, vetëm 22 prej këtyre rasteve janë vërtetuar nga Instituti për Shëndetit Publik, kurse tjerat janë konfirmuar nga institucione private në vend.
Në dy ditët e fundit, në Dibrën e Madhe nuk është regjistruar asnjë rast i ri me COVID-19. Ndërsa qyteti ku është regjistruar numri më i madh i të infektuarve është Shkupi, me plot 195 raste. Kurse në Kumanovë janë shënuar 62 raste.
Gjithashtu bëhet me dije se në Klinikën Infektive në Shkup janë dërguar sot dy pacientë nga Kumanova, njëri prej të cilëve ndodhet në gjendje të rëndë.
