Ish-ministri i Drejtësisë, Ylli Manjani, ka reaguar lidhur me shtimin e rasteve me koronavirus në vend. Që në krye të herës, ai ka komentuar deklaratën e kryeministrit Edi Rama, i cili tha se këto shifra nuk ishin as në kulmin e pandemisë.
Lidhur me reagimin publik të kreut të qeverisë, Manjani e cilëson si një kërcënim dëshpërues, për të mbyllur sërish vendin.
Madje Manjani shton dyshimet se e gjithë kjo nuk ka lidhje me të infektuarit, por çdo gjë është me prapavijë politike.
Statusi
Kaq të infektuar nuk i kishim as në kulmin e pandemisë”- thotë Ai që nuk do fliste më për COVID.
Po sigurisht që nuk kishte kaq të infektuar sepse QSUT ishte e mbyllur. Të shkoje atje duhet të ishe me fat të kapje 127 dhe, pak më me shumë fat të kapje ndonjë ambulancë.
Tani që u hap QSUT, në vend të shërojë infekton. Infekton personelin e kë mundet.
Ndërkohë, Shefi i madh në vend të japë llogari pse institucioni publik i trumpetuar fort prej tij infekton njerëz, u kërkon llogari njerëzve pse duan të kthehen në normalitet.
Ky është më i miri për krejtve që nuk jep, por i kërkon llogari popullit të vet.
Kërcënimi që do mbyllë prap vendin përherë (se vaksina nuk dihet kur del), është dëshpërues. Nuk ka lidhje me virusin por me politikën. Rrefuzon të shohë rrokullisjen e vet…
