Mbrëmjen e djeshme, gjatë spektaklit “Big Brother”, aktorja Arjola Demiri u vendos para kutisë së Pandorës, ku duhet të zgjidhte nëse do ta hapte ose jo. Pavarësisht se asaj iu ofrua një udhëtim në Disneyland së bashku me tre fëmijët e saj, mori vendimin për të mos e hapur kutinë. Ajo tha se nuk ishte dëshira e saj më e madhe. Aktoja deklaroi mes lotësh se dëshira e saj më e madhe ishte të prezantonte krah Salsano Rrapit dhe Fjoralba Ponarit spektaklin “Portokalli”.
Debati:
Arbana: Ke shkuar ndonjëherë në Disneyland me fëmijët?
Arjola: Jo. Unë nuk e hap se dua t’jua dhuroj unë. Loja është bërë shumë e vështirë. Nuk është për shkak se nuk jam e fortë të zgjedh, por është realisht shumë e vështirë. Duhet të kishte ardhur më përpara dhe nuk ka qenë kjo dëshira ime. Kjo nuk ishte një dëshirë.
Arbana: Tani që e pe se çfarë ishte, je penduar që nuk e hape?
Arjola: Nuk jam penduar që nuk e hapa. Shumicën e rasteve që është hapur kutia, ka pasur nominime dhe në këtë pjesë të lojës, nuk doja që e gjithë pesha e nominimeve të ishte vetëm tek unë.
Arbri: Dua ta vlerësoj gjestin fisnik që ka bërë Einxhel. M’u duken shumë të dobëta të dyja, edhe Arjola, edhe Monika, që kanë hyrë në një reality show ku janë të detyruara të nominojnë njerëz dhe mos hapja e kutisë mu duk prap si një mesazh që duan të japin që “nuk dua ta hap kutinë sepse mendoj për të tjerët” kur gjithë ditët flasin për rivalitet. Shumë shpejt do vihen në këtë situatë, që të nominojnë.
Arjola: E para; unë e kam shprehur që kjo nuk është dëshira ime kryesore. Për këtë udhëtim mund të sakrifikoja asgjë. S’është çështje frike.
Arbri: Për fëmijët e t’u duhet të sakrifikoje të gjithë banorët brenda.
Arjola: E thashë që fëmijëve ia realizoj vetë këtë udhëtim.
Arbri: Kutinë e Pandorës e kanë hapur të gjithë njerëzit.
Arjola: Kjo nuk më bën mua të dobët. Thjesht nuk është dëshira ime, ajo unë që kam kërkuar.
Arbana: Cila është dëshira jote Arjola?
Arjola: Thjesht nuk do të realizohet… Mendova që këtë udhëtim mund t’jua ofroja edhe vetë. Te kartolina kam shkruar që dëshira ime është që përkrah Salsanos dhe Fjoralbës të prezantoj “Portokallinë”. Kjo më ngre dhe më mundëson gjithashtu udhëtimin për fëmijët e mi.
Arbana: Kjo është dëshirë që mund të të plotësohet, sepse ti je e talentuar dhe mund ta meritosh atë gjë.
Arjola: Të gjithëve iu kanë plotësuar ajo që kanë shkruar në letër. Thjesht nuk mu duk dëshira ime. U mërzita, sepse e kam kërkuar këtë dëshirë dhe është e vetmja që kam kërkuar.
