Ditën e djeshme, ne media qarkulloi lajmi se presidenti serb, Aleksandër Vuçiç refuzoi që të shkrepë një foto me kreun e shtetit shqiptar Ilir Meta, presidenten e Kroacisë, Kitaroviç si dhe me presidentin slloven Pahor, në nisje të samitit të Brdo-Brijunit në Tiranë.
Ndërkohë, Vuçiç ka folur për mediat serbe duke thënë se fotoja “nuk ishte diçka zyrtare”.
“Kam qenë pjesë e fotos zyrtare. Kur sheh dikë, shkon dhe i shtrëngon dorën. Këtë kam bërë me tre presidentët, por ajo (fotoja) nuk ishte diçka zyrtare”, u shpreh presidenti serb.
Sa i takon shtrëngimit të duarve me presidentin e Kosovës, Hashim Thaçi në prani të Federica Mogerinit, ai tha se: “Nëse tani po merreni se ishte një shtrëngim duarsh i ftohtë, apo nuk e di. Merreni si të doni. Ishte një takim në një bufe ku kishte edhe çaj të ngrohtë.”
