E martë, 30 Nëntor, 2021
5.5 C
Tirana

Reformën Zgjedhore/ Socialistët shtyjnë me tre muaj, çfarë pritet të ndodhë

Partia Socialiste do të kërkojë zgjatjen edhe me tre muaj të Komisionit të posaçëm të Reformës Zgjedhore në Parlament.

Në mbledhjen e djeshme të Grupit Parlamentar Socialist u vendos që kërkesa t’i propozojë konferencës së kryetarëve dhe më pas seancës, për shtyrjen e Komisionit. Mandati i Komisionit të posaçëm të Reformës Zgjedhore përfundoi mandatin e tij në muajin dhjetor të vitit të kaluar, pa shqyrtuar draftin e përgatitur për shkak të bojkotit të opozitës.

Kuvendi kërkoi një shtyrje të mandatit të komisionit me një muaj, gjatë të cilit komisioni nuk mundi të zhvillojë asnjë mbledhje. Dje, Grupi Parlamentar Socialist vendosi zëvendësimin e bashkëkryetares së Komisionit të posaçëm të Reformës Zgjedhore, Blerina Gjylameti me Damian Gjiknurin, sekretarin për Reformën Zgjedhore. Gjylameti u vendos në krye të këtij komisioni, pas emërimit të Bledi Çuçit ministër të Bujqësisë.

OPOZITA

Burime nga mbledhja e Grupit Parlamentar Socialist pohuan dje se Partia Socialiste do të ftojë deputetët e rinj të opozitës që të bëhen pjesë e Komisionit të Reformës Zgjedhore për të mbushur vendet e lëna bosh prej muajsh. Parlamenti pritet të shkojë në 101 deputetë, ku të mërkurën do të betohet deputetja Amra Barova e listës së LSI-së. Ndërkaq, KQZ pritet t’i japë mandatin Korab Litës dhe Halil Jakimit nga lista e PD-së, duke e çuar numrin e anëtarëve në Kuvend në 101.

Në këtë mënyrë, Komisioni për Reformën Zgjedhore pritet të nisë menjëherë nga puna. Por koha e shkurtër deri në zgjedhjet vendore, 30 qershor, nuk do të mund ta bëjë efektiv Kodin e ri Zgjedhor për këto zgjedhje. Sekretari socialist për Reformën Zgjedhore, Damian Gjiknuri, tha pak ditë më parë se “do të synojmë kompromisin për Reformën Zgjedhore, por shanset që lokalet e 30 qershorit të realizohen me një kod të ri, janë të pakta”.

“Ky draft do të vlejë për zgjedhjet e tjera, pasi tashmë jemi në një fazë finale të përgatitjes së zgjedhjeve dhe institucionet e zgjedhjeve kanë nisur të formësohen. Kështu që do të ishte e pamundur dhe e nxiruar për mendimin tim dhe të traditës në këtë proces të miratojmë një kod menjëherë dhe ta zbatojmë në këto zgjedhje lokale”, është shprehur Gjiknuri.

Komisioni drejtohet nga dy bashkëkryetarë, një nga Partia Socialiste dhe një nga Partia Demokratike. Komisioni ka në përbërjen e tij aktualisht Blerina Gjylametin, si bashkëkryetare, Vasilika Hysin, Alket Hysenin, Adnor Shametin, Klotilda Bushkan, Ermonela Felajn, Damian Gjiknurin, Bashkim Finon dhe Musa Ulqinin, si anëtarë të propozuar nga Partia Socialiste dhe Nard Ndoka, anëtar i pavarur, shkruan Panorama.

- Reklama -

Më shumë nga kategoria




Të fundit

Variantet e koronavirusit, ja çfarë dimë deri më tani

Omicron, varianti më i ri i koronavirusit, është gjithashtu më i shpejti për t'u etiketuar si "variant shqetësues" nga Organizata Botërore e Shëndetësisë, për...

Bllokimi për variantin Omicron/ Biden: S’ka vend për panik

Presidenti amerikan Joe Biden e ka quajtur variantin Omicron Covid-19 një "shkak shqetësimi, jo shkak për panik", një ditë pasi u zbulua në Amerikën...

Njihuni me këmbimin valutor, 30 nëntor 2021

Në kursin e këmbimit valutor, sot vihet re rritje e dollarit, paundit britanik dhe frangës zvicerane. Ndërsa euro s'ka pësuar ndryshime. Më poshtë do të...

Pandemia i bëri shqiptarët “dembelë”

Pandemia Covid-19 ka shkaktuar nivele të larta të “dembelizmit” në të gjithë vendin. Personat në moshë pune që nuk po kërkojnë një punë u...

Lionel Mesi hyn në histori, fiton “Topin e Artë” nr.7

Lionel Mesi mbetet numri një i futbollit botëror, madje duke thyer rekorde e duke hyrë në histori si fituesi më i madh i kësaj...