Ambasadorja e SHBA në Tiranë, Yuri Kim deklaroi para mediave se është bërë progres i jashtëzakonshëm për Reformën Zgjedhore.
Ndër të tjera, ajo theksoi se “topi është në fushën e Bashës”.
“Sot kemi bërë një progres të jashtëzakonshëm. U takuam sot edhe për 9 orë të tjera.
Në një negociatë që është kaq e rëndësishme për të ardhmen e Shqipërisë, çdo parti i kërkohet që të japë në mënyrë që Shqipëria të fitojë. Çdo palë dha, gjithashtu çdo palë fitoi. Populli shqiptar mund të fitojë akoma më shumë. Çdo palë dha, por më duhet t’i jap merita të veçanta partisë në pushtet.
Ne e bëmë të qartë se partia në pushtet kanë privilegjet e tyre dhe duhet të jepen më shumë. Kështu që ata e bënë. Kështu që përgëzoj partinë në pushtet.
Ne kemi një marrëveshje shumë të mirë. Është një marrëveshje që do ta vendosë Shqipërinë në mënyrë të patundur drejt integrimit në BE. Përmban masat që janë kërkuar nga ODIHR.
Ka ardhur koha për mikun tim Luli Basha që të balancojë të gjithë faktorët dhe të thotë PO për popullin shqiptar dhe të thotë PO për Shqipërinë në Evropë. Topi është në fushën e tij dhe e ardhmja është në duart e tij”, u shpreh Kim.
