Me 90 vota pro, 1 kundër dhe 1 abstenim janë miratuar sot në Kuvend ndryshimet për Komisionin e Reformës Zgjedhore.
Tashmë Komisioni i Reformës Zgjedhore nga 18 anëtarë që ishte më parë, do të bëhet me 10 anëtarë, ku kryetar do të jetë Damian Gjiknuri, ndërsa bashkëkryetar nga opozita e re është zgjedhur Korab Lita.
Anëtarët e PS-së do të jenë Vasilika Hysi, Damian Gjiknuri, Blerina Gjylameti, Bashkim Fino, Klotilda Ferhati dhe Alket Hyseni e ndërsa nga opozita e re do jenë Rudina Hdajri, Muslim Murrizi, Nimet Musai, Ralf Gjoni dhe Andi Përmeti. Ky i fundit themelues i Bindjes Demokratike, Andi Përmeti, i cili këtë të enjte u betua si deputet.
