Pas më shumë se 4 orëve diskutimesh, mbledhja e Këshillit Politik ka përfunduar me një marrëveshje mes palëve.
Në prononcimin e tyre për mediat, anëtarët e Këshillit Politik thanë se është arritur një kod zgjedhor që i përfshin të gjitha kërkesat.
Hajdari: Në mbledhje u miratua vota e emigrantëve shqiptarë. Vota e diasporës është marrë si një çështje serioze. Opozita jashtë-parlamentare nuk pranoi ndryshim sistemi. Do përpiqemi të kemi një reformë zgjedhore të suksesshme. Në tryezë u shpreh vullneti i qartë politik që diaspora të votojë. Një peshë i bie dhe emigrantëve që duhet të regjistrohen për të votuar. Kjo është një kërkesë shumë e vonuar sepse duhet të ishte bërë me kohë.
Oerd Bylykbashi dhe Petrit Vasili tha se u pranua propozimi i tretë i opozitës së bashkuar për KQZ dhe u arrit të krijohej një kod që siguron votën e shqiptarëve.
Bylykbashi: Diskutuam lidhur me rekomandimet e OSBE/ODIHR. Kodi Zgjedhor do ketë garanci që vota e shqiptarëve të mos tjetërsohet .
Vasili: Opozita i qëndroi deri në fund marrëveshjes; provë e sikletshme për mazhorancën. Mazhoranca u përpoq t’i largohej kërkesave dhe marrëveshjes me ne. Në këtë fazë të dytë përgjegjësia e monitorimi do jenë objektiv themelor.
