Bashkëkryetari i Komisionit Parlamentar, Damian Gjiknuri ka treguar se cfarë është diskutuar sot në mbledhjen e përfaqësuesve të Këshillit Politik për Reformën Zgjedhore.
Gjiknuri tha se gjatë takimit është bërë prezantimi i disa çështjeve teknike lidhur me Kodin e Ri zgjedhor. Gjithashtu sipas tij, është shqyrtuar nëse propozimet për sistemin zgjedhor prekin Kushtetutën.
“Siç jeni në dijeni zhvilluam mbledhjen e radhës lidhur me çështjet që kishim në rendin e ditës, ekspertët paraqitën një numër çështjesh ku kanë punuar, me 2 -3 dallime. U diskutua, kuota gjinore, periudha zgjedhore, policia, roli i prokurorisë, disa ligje që kanë të bëjnë me drejtësinë penale për të akomoduar një pjesë të propozimeve të opozitës. Së dyti u bë diskutimi për disa çështje që kemi mundësinë t’i adresojmë në kodin zgjedhor. Së treti ramë dakord që në mbledhjen e radhës të zgjidhim pikat e mbetura pasi kemi marr nga NDI dhe ekspertë për çështjet e financimit dhe për të lënë akoma çështjet ku ka akoma ndasi”, tha ai.
Gjiknuri theksoi se për çështje serioze, si për integrimin, kryeministri Rama e ka thënë se është i gatshëm të ulet me kreun e opozitës në tryezë.
“Nëse për çështje shumë serioze kërkohet mbase një nivel final të vendimmarrjes politike, zoti Rama e ka thënë që jemi të gatshëm të ulemi me zotin Basha. Nuk ka mungesë dëshire për komunikim, provohemi është që është ndërprere në disa nivele. Të gjitha propozimet për sistemin kërkojnë ndryshim në kushtetutë. Kjo kërkon kohë . nëse do të ketë nevojë për kompromis dhe ka pamundësi, ne do të kërkojmë kompromis. Mbase Shqipëria ka ardhur momenti që të shihet të mos ketë koalicon zgjedhor, megjithatë këto janë gjëra të hapura. Debati është i hapur, çështja e sistemit është në tavolinë”, shtoi ai.
