Ish-presidenti Bamir Topi ishte i ftuar pasditen e sotme në emisionin “Kjo javë” në “News 24”, prej ku theksoi se në fund të Reformës Zgjedhore nuk do arrihet asgjë.
“Jemi sot në situatën kur pas zgjedhjeve, ka akuza. Parlamenti është kthyer në institucionin më të dobët historikisht. Janë futur në kullë, në mungesë të transparencës.
Politika sot merr në dorë në mënyrë monopoliste fatin e zgjedhjeve. Janë futur, do respektojnë datën 31 Maj, që të jenë në rregull edhe me ndërkombëtarët e në fund nuk do kemi asgjë”, u shpreh Topi.
Ky i fundit, në vijim pohoi se Presidenti Ilir Meta është munduar që të mbajë postin që ka:
“Presidenti Meta natyrisht ka thënë se reforma duhet të bëhet. Është munduar që të mbajë postin që ka, atë pozicion. Nga pikëpamja institucionale e la veten në këtë pjesë.
Përgjegjësinë e ka Këshilli Politik. Gjërat ama nuk po shkojnë mirë. Tashmë e tutje askush nuk duhet të ankohet më”.
