Reforma në Drejtësi, Basha: Unë nuk telefonoj asnjë gjyqtar për ta kërcënuar

Për kryetarin e Partisë Demokratike, Lulzim Basha, reforma në drejtësi ka mbetur në vendnumëro, në 8 vitet e qeverisjes së kryeministrit Edi Rama.

Gjatë konferencës për shtyp me gazetarët në selinë blu, Basha u shpreh se më 25 prill, shqiptarë do votojnë një kryeministër që do t’i mbajë larg duart nga reforma në drejtësi.

Ndër të tjera, Basha tha se mbajtja larg e duarve nga reforma në drejtësi, është një nga pikat më të rëndësishme të programit të PD-së.

Lulzim Basha: ”Reforma në Drejtësi ka mbetur peng e Edi Ramës. Më 25 prill shqiptarët do të votojnë një kryeministër si unë që do t’i mbajë duart larg nga Reforma në Drejtësi. Që nuk do të marrë gjyqtarët në telefon për t’i kërcënuar e për tu thënë se do t’ju presë këmbët në momentin që do të lutojnë krimin, por do t’i inkurajojmë ata. Larg duart nga drejtësia, kjo është një nga pikat më të rëndësishme e planit tim.”