Banorët e “Unazës së Re” kanë marshuar mbrëmjen e sotme në këmbë për tek Drejtoria e Policisë, ku mbahet i burgosur Klevis Balliu. “Rama ik, hajdut, legen, kazan, polici e leshit. O Klevis, o hero, gjithë ‘Unaza’ ty të do. Lironi Klevisin”, janë disa nga thirrjet e banorëve të “Unazës së Re”.
Një ditë më parë u prangos ish-deputeti i Partisë Demokratike, Klevis Balliu. Ky i fundit akuzohet për veprat penale “kundërshtim me dhunë ndaj punonjësve të policisë”, “prishje e qetësisë publike” dhe “pengim i qarkullimit të mjeteve të transportit”. Ish-deputeti është dërguar në Drejtorinë e Policisë së Tiranës.
Po kështu mësohet se bashkë me Balliun është arrestuar dhe një banor tjetër. Policia ka lënë të lirë katër prej personave të cilët u shoqëruan, pasi bllokuan rrugën pranë një biznesi privat, ku do të shkonte kryeministri Edi Rama.