Pas dy disfatave në “El Clasico” dhe më pas eliminimi shokues në Champions League, Real Madrid është zhytur në një krizë të thellë. Për të mos mjaftuar kjo, edhe brenda grupit ka përçarje mes lojtarëve dhe mes dy veteranëve.
Prestigjiozja spanjolle “Marca” zbulon se ditën e djeshme ka pasur një përplasje mes kapitenit Ramos dhe Marcelo. Shkak është bërë festimi i brazilianit, gjatë seancës stërvitore.
Sergio Ramos dhe Marcelo ishin pjesëtarë të dy ekipeve të ndryshme gjatë stërvitjes, teksa në fund ka triumfuar ekipi i brazilianit.
Sjellja e tij nuk i ka pëlqyer Ramos, i cili ka reaguar ashpër duke nxitur sherr. U desh ndërhyrja e shokëve të tjerë të skuadrës për të shmangur një përplasje fizike mes 2 veteranëve. Ky tension nxjerr në pah atmosferën aspak pozitive që ka mbërthyer skuadrën madrilene.
