Zëvëndëskryeministri Erion Braçe reagoi ashpër të shtunën lidhur me komentet e bëra për qëndrimin e tij ndaj arrestimit të ish-drejtorit të kadastrës së Durrësit dhe monitorimin e seancës gjyqësore ndaj tij.
“Kam heshtur deri dje, deri pas vendimit, per ate qe dija une mbi ngjarjen. Cili ishte presioni qe paskesh ushtruar une per keta te dy? Qe te vihesh ne dijeni te fakteve kriminale, e te vesh ne dijeni institucionet e shtetit, e verteta eshte e forte, por nuk eshte presion. Nese ky prokuror e kjo gjykates, ne sistem ende, politikat e tyre, banditet e tyre mendojne se do me ndalojne te monitoroj ,degjoj, vleresoj e faktoj e te flas publikisht per gjithe cka shoh qe konsumohent si krim per jeten e tjetrit, e kane gabim, une nuk jam i kesaj rrace. Une do i dal per zot cdo nepunesi te shtetit qe sherben ore e pa ore ne funksion te shteti pa i ndare kurre ne te pasur e te varfer”.
Brace paralajmeroi padi ndaj ish deputetit demokrat Enkelejd Alibeaj dhe e quajti atë taleban.
“Unë bashkeshortja, prinderit, familjaret, e krushqi, prinderit e bashkeshortes, motra ime e bashkëshorti i saj, prindërit e tij në rreth të parë të dytë e të pafundëm po të doni ska asnjë lidhje gjaku me drejtorin e ASHK në Durrës, me familjen e tij të bashkëshortes se tij. Talebani që artikuloi këtë dje dhe ngriti mbi këtë shpifje do vijë ta provojë në gjykatë, në të cilën do vijë ai vetë dhe do jetë fillimi për të dhe rracën e talebanësve politiikë për cdo gjë të poshtër që i kanë bërë këtij vendi. Dejtuesin e ASHK se kam emëruar unë”.
Gjyqtarja Besiana Garxenaj vendosi dje të linte në fuqi masën e sigurisë, që po kjo Gjykatë kishte vendosur në mungesë disa ditë më parë për Liridon Pulën, masë shtrënguese që propozoi edhe organi i Akuzës, i cili përfaqësohej nga prokurori Arjan Ndoji. Seanca u zhvillua me dyer të mbyllura, ndërsa mësohet se Pula ka mohuar akuzën e ngritur nga prokurori.
I pranishëm në sallën e gjyqit ishte edhe zv.kryeministri Erion Braçe. Në një prononcim për mediat pas gjyqit, Braçe ka akuzuar prokurorin e çështjes, Arjan Ndoja, për shantazh ndaj Liridon Pulës.
