Kreu opozitar Luzim Basha reagon një ditë pas protestës së 9 kombëtare të organizuar nga opozita e bashkuar.
Në një postim në Facebook, Basha vazhdon t’i qëndrojë bindjeve të tij se kriza e krijuar nuk do të zgjidhet mbi pazare por mbi parime duke theksuar se rruga për të dalë prej saj kalon vetëm përmes standardeve evropiane.
Kryedemokrati vijon më tej duke ripërsëritur se hajdutët e votave do të vihen para drejtësisë me anë të një reforme të thellë politike, duke garantuar zgjedhje të lira e të ndershme.
Më tej ai shprehet se duhet ndryshuar thellësisht politika dhe ekonomia që Shqipëria te mos jetë më ajo që duan opozitarët por të jetë “Shqipëria e gjithë shqiptarëve” duke theksuar 30 qershori do jetë varreza politike e Ramës.
Protesta e mbrëmshme, ashtu siç u paralajmërua u mbyll pa asnjë incident dhe pas protestës kreu i PD-së Basha dhe aleatët u mblodhën në selinë e PD-së, për të vendosur për hapat e mëtejshëm të aksionit opozitar.
Postimi i plotë:
Oqeani i shpresës mbrëmë në Tiranë, ky bashkim madhështor i vullneteve të qytetarëve është besimi i çdo shqiptari tek ndryshimi që po vjen.
Kjo krizë do të zgjidhet jo mbi pazare, por mbi parime. Rruga për të dalë prej saj kalon përmes standarteve europiane: Para drejtësisë hajdutët e votave, largimi i Edi Ramës, reformë e thellë politike, dhe zgjedhje të lira e të ndershme.
30 qershori është varreza politike e Edi Ramës dhe Organizatës Kriminale të Rilindjes. Largimi i tij është vetëm fillimi.
Ne duhet të ndryshojmë thellësisht politikën dhe ekonominë bazuar mbi vlerat dhe parimet e demokracive të Perëndimit, që kurrë më, askush të mos marrë peng të ardhmen e shqiptarëve dhe fëmijëve të tyre duke shkrirë në një shtetin me krimin dhe oligarkinë.
Vetëm në këtë mënyrë do të garantojmë njëherë e përgjithmonë që Shqipëria të mos jetë më ajo që duan këta, Edi Rama, kriminelët, politikanët dhe oligarkët grabitqarë, por të jetë Shqipëria e të gjithë shqiptarëve, #ShqipëriaSiEuropa.