Masa e dhënë nga Gjykata e Krimeve të Rënda, ndaj ish-ministrit të Brendshëm, Saimir Tahiri, me vetëm 3 vite shërbim prove, është kundërshtuar ashpër nga opozitarët dhe jo vetëm.
Komenti i radhës vjen nga deputetja e opozitës parlamentare, Rudina Hajdari, e cila e quan këtë proces të Gjykatës si një dështim.
Përmes një statusi në Facebook, Hajdari shprehet se dënimi ishte i papërfillshëm, duke treguar sipas saj, se drejtësia mbetet akoma nën presionin e politikës.
Postimi i plotë:
Ndërkohë që gjykata dështoi të bënte histori me një dënim të papërfillshëm, drejtësia tregoi se është ende nën presionin e politikës.
Duket si një hap i sforcuar për gjykatën me vendimin “shërbim prove” për një zyrtar të lartë, por që në të vërtetë zhgënjeu një popull të tërë.
