Zbardhen detaje të tjera në lidhje me pengmarrjen dhe ekzekutimin e Jan Prengës.
Bëhet me dije se pranë vendit ku mendohet të jetë mbajtur peng 49-vjeçari, është gjetur një plastmas me njolla gjaku. Plastmasi është gjetur në fshatin Maskuri të Shijakut, rreth 1 kilometër larg resortit “Golden”, ndërsa është dërguar në laborator ku do i nënshtrohet ekspertizës.
Prokuroria i ka vendosur sekuestro preventive resortit “Golden” në Shijak, ku u mbajt peng Jan Prenga. Jan Prenga hyri i gjallë në resortin “Golden” në Xhafzotaj të Shijakut ku si pasojë e torturave dhe dhunës së ushtruar, dyshohet se ka gjetur vdekjen.
Rrëmbyesit e kanë nxjerrë më tej të mbështjellë me qese të zezë.
