Burgjet në Shqipëri janë plot. Një fakt i tillë theksohet nga një raport i shkurtër i Burgut Botëror, i cili jep të dhëna për sistemin e burgjeve në botë. Pra, sipas këtij raporti, Shqipëria renditet ndër vendet që i kanë burgjet të tejmbushur, duke shfrytëzuar kështu 100% të kapacitetit të tyre.
Me një nivel të tillë, ajo renditet e 109-ta në botë në mesin e 222 vendeve që kanë qenë pjesë e këtij studimi, raporton balkaneu.com.
Sa i përket rajonit, Maqedonia dhe Serbia kanë mbipopullimin më të lartë të burgjeve me 132% dhe 106.4%. Ndërkohë, burgjet e Kosovës dhe Bosnjës dhe Hercegovinës janë më pak të populluar me 87% dhe 61% respektivisht.
Sipas raportit, në Shqipëri, vetëm 1.9% e të burgosurve janë gra dhe kjo është një nga figurat më të ulëta në botë, ndërsa 1.4% e të burgosurve janë të huaj.
Ndërkohë, sipas të dhënave zyrtare të Ministrisë së Drejtësisë të publikuara në vitin 2015, kostoja e një të burgosur në Shqipëri është mesatarisht 800 euro në muaj. TIRANA TODAY
