Pas publikimit të raportit përfundimtar të OSBE/ODIHR për votimet e 30 qershorit, ka ardhur edhe reagimi i sekretarit të Përgjithshëm të PD-së, Gazment Bardhit.
Përmes një postimi në “Facebook”, Bardhi shkruan se përfundimet e këtij raportit janë konfirmim se Shqipëria ka nevojë jetike për zgjedhje të lira dhe të ndershme.
Sipas Bardhit, raporti është kontribut për demokracinë shqiptare, ndërsa shton se vendit i duhet një qeveri që u mundëson qytetarëve të saj të ndikojnë në qeverisje.
Reagimi i plotë i Gazment Bardhit:
Raporti i ODIHR eshte konfirmim se Shqiperia ka nevoje jetike per zgjedhje te lira e te ndershme. Me shume se nje ligj, nje vendim, nje rregullore, zgjedhjet demokratike jane vullnet politk.
Konfirmimi nga ODIHR se votimet moniste dhe antikushtetuese te 30 Qershorit “nuk moren ne konsiderate interesin e qytetareve shqiptare”, eshte vleresim qe ndihmon forcimin e demokracise funksionale ne Shqiperi.
Me konstatimet se votuesit nuk paten mundesi te zgjidhnin, se KQZ dhe Kolegji Zgjedhor shkelen ligjin dhe nuk vepruan ne pavaresi, se u shkaterrua besimi i publikut ne legiitimitetin e zgjedhjeve, se administratat zgjedhore cenoi besimin e publikut, se ne listen e zgjedhesve u konstatuan nenshkrime dukshem identike qe jane prove e votimit me perfaqesim nga te tjeret, ODIHR i vuri vulen paligjshmerise se 30 Qershorit.
Mirenjohje eksperteve te ODIHR per kete kontribut ne forcimin e demokracise funksionale ne Shqiperi.
Ne 30 qershor 85 % e shqiptareve i paraprine ketij Raporti dhe vendosen te refuzojne qe t’u vidhet vota nga Edi Rama.
Shqiperise i duhet nje qeveri qe te respektoje vullnetin e qytetareve te saj per zgjedhje te lira e te ndershme, qe u mundeson qytetareve te saj te ndikojne ne qeverisje dhe qe mbajne ne konsiderate vetem interesat e tyre.
