Ish-deputeti i Partisë Demokratike, Oerd Bylykbashi, shprehet se raporti i OSBE-ODIHR për zgjedhjet e 30 qershorit, ishte ndër më të këqijtë për zgjedhjet pluraliste, që janë mbajtur në vendin tonë.
Përmes një statusi në Facebook, Bylykbashi deklaron se ky raporti ja kalon edhe atij më të keqit deri më sot, të vitit 2001,
“Vetëm në dy raste raporti i ODIHR për 30 qershorin mund të ishte më i keq se kaq:
1- ODIHR të konstatonte që qeveria urdhëroi ndalimin e zgjedhjeve,
2- ODIHR të deklaronte që nuk do të çonte mision vëzhgimi sepse në Shqipëri nuk ekzistojnë kushtet për zgjedhje të lira e të ndershme.
Më keq se kaq, demokracia vdes përfundimisht!”, shkruan Bylykbashi.
Postimi i Oerd Bylykbashit:
ODIHR: Para se gjithash, zgjedhjet jane per zgjedhesit!
Tashme, raporti per zgjedhjet e vitit 2001, me i keqi deri me sot, eshte i dyti ne radhe pas ketij per 30 qershorin.
Nese ne 2009 kur kryeminister ishte Sali Berisha, sipas ODIHR “zgjedhjet arriten shumice derrmuese te standarteve te OSBE”, 10 vjet me pas kur kryeminister eshte Edi Rama, po sipas ODIHR “zgjedhjet u zhvilluan pa mbajtur ne konsiderate interesin e zgjedhesve”, se e vetmja zgjedhje qe u mbeti atyre ishte te merrnin pjese ose jo ne votim dhe se jane shkelur standartet themelore te OSBE-se per zgjedhje demokratike. Audry Glover ishte ne krye te ODIHR ne 2009, Audry Glover ishte edhe ne 2019.
Vetem ne dy raste raporti i ODIHR per 30 qershorin mund te ishte me i keq se kaq:
1- ODIHR te konstatonte qe Qeveria urdheroi ndalimin e zgjedhjeve;
2- ODIHR te deklaronte qe nuk do te çonte mision vezhgimi sepse ne Shqiperi nuk egzistojne kushtet per zgjedhje te lira e te ndershme.
Me keq se kaq, demokracia vdes perfundimisht!
