Kryeministri i Kosovës, Ramush Haradinaj i ka bërë vetes një “dhuratë” këtë fundvit. Qeveria e Kosovës ka miratuar vendimin për rritjen e pagave të kryeministrit dhe shumë zyrtarëve të tjerë.
Kështu, në vendimin i cili hyn në fuqi më 1 janar 2018, thuhet se paga e kryeministrit të Kosovës bëhet 2950 euro, paga kjo më e lartë e një kryeministri në rajon.
Ky vendim ka shkaktuar edhe reagime nga radhët e Lëvizjes Vetëvendosje. Deputetja Albulena Haxhiu ka thënë se rritja e pagës është vepër penale.
“Vendimi i Qeverise per rritjen e pagave per kryeministrin, ministrat dhe te tjeret eshte veper penale! Pra edhe z.Haradinaj por po ashtu edhe ministrat që kanë votuar këtë vendim kanë bërë vepër penale.
Kete vendim qysh neser do ta dergoj ne Agjensionin Kunder Korrupsionit! Neni 424 i Kodit Penal i ndalon personit zyrtar të vendos për një çështje që ka interes të drejpërdrejt financiar!”, ka përfunduar Haxhiu në një reagim në Facebook.
