Ramush Haradinaj ka folur sot rreth negociatave për krijimin e qeverisë së re në Kosovë. Kryeministri në detyrë i është drejtuar Albin Kurtit me mesazhin: Jepi fund epilogut për qeverinë e re ose hap krahun! Sipas tij, Kosova po hynë në një gjendje të rrezikshme me zgjatjen që po i bëhet tranzicionit të pushtetit.
“Unë pres nga z. Kurti që t’i thërret ndërgjegjes së vet. Ose ta gjej formulën me bë shumicën, në këtë rast me LDK-në, sepse unë s’jam palë e negociatave, ose të hapë rrugë. Të deklaron çka i propozon Kosovës fituesi i zgjedhjeve në këtë rast. Le të deklaron për çka është. A është për një qeveri teknike, a është për një qeveri tjetër, a është për të shkuar në zgjedhje. Por diçka duhet t’i thotë Kosovës nuk mund ta mbajë varur”, deklaroi Haradinaj.
Për Haradinajn përgjegjësia për mos krijimin e qeverisë së re dhe të një marrëveshje konkrete ndërmjet koalicionit është vetëm e Partisë Vetëvendosje.
“Nuk është përgjegjësia te partia e dytë, por në sistem tonin përgjegjësinë me krijua institucione e ka vetëm Albin Kurti dhe VV-ja. Por nuk mundesh ti sot me ju thënë partive. Nuk është duke formuar qeveri LDK-ja, ajo i bashkohet një qeverie. Përgjegjësia bie mbi z. Kurtin, ai duhet të dijë t’i akomodon të gjithë ata me të cilët do me bë shumicën parlamentare”, deklaroi Haradinaj.
