Ramush Haradinaj ka anuluar vizitën në Vlorë. Mësohet se kabineti qeveritar i Kosovës nuk do të marrë pjesë në aktivitetet që ishin parashikuar të mbaheshin ën Vlorë me rastin e 105-vjetorit të Pavarësisë së Shqipërisë.
Sipas medieve kosovare, kryeministri i Kosovës është detyruar ta anulojë vizitën e tij për t’u kthyer në Kosovë, ku do të takohet me zyrtaren e lartë të shtetit amerikan, konkretisht zëvendës-ndihmësen sekretare amerikane të Mbrojtjes, Laura Cooper.
Megjithatë, i pranishëm në aktivitetet e Vlorës do të jetë presidenti i Kosovës, Hashim Thaçi, ndërsa në Tiranë do t’i organizohet një pritje shtetërore nga presidenti Ilir Meta.
Dje në Korçë është mbajtur mbledhja e dy Qeverive ku janë nënshkruar 13 marrëveshje me interes për të dy shtetet, ndërsa është vendosur që mbledhja e ardhshme të mbahet në qytetin e Pejës.
