Ish-deputetja e LSI-së, Kejdi Mehmetaj bëhet pjesë e debatit “Ramforma”, duke iu kundërpërgjigjur Spiropalit pas akuzave të kësaj të fundit ndaj presidentit Meta.
Nëpërmjet një statusi në Facebook, Mehmetaj deklaron se Spiropali është e para e cila përfiton nga “Ramaforma” duke shpëtuar kështu nga raportet e “Crown Agents”. Ish-deputetja e mbyll postimin e saj duke e paralajmëruar Spiropalin se fundin do e ketë si një rrobë shumë e përdorur “e hedhur pa asnjë dhembshuri në kazanët e plehrave, nga ku sot merr vëmendje zukatja e saj”.
Postimi i plotë i Mehmetajt:
Zukatja e Elisës është bërë si ajo e mizës së kalit. Pasi del nga poshtë bishtit të kalit i duket vetja se eshte e mençur dhe triumfatore. Nga “Ramaforma” në drejtësi ajo është një ndër përfitueset e para, duke shpëtuar nga raportet e “Croën Agents” që u fshinë, nga nafta bruto që derdhej lumë në serbatorët e makinave të shqiptarëve dhe mushkritë e femijëve, deri tek dogana e Fierit që u bë më e madhe se ajo e Durrësit. Nga tenderat e ujësjellsave tek kondicionerët dhe kolitë e cigareve që zhdoganoheshin si rroba të përdorura. Fiks siç është edhe vetë, nje rrobë e përdorur! Miza e kalit vazhdon zukatjen. Sa të ketë PPP-në e zgjedhur me 69 vota ajo do “bëz bëz” e qetë. Por fundin do e ketë si një rrobë shumë e përdorur e hedhur pa asnjë dhimbshuri në kazanet e plehrave, nga ku sot merr vëmendje zukatja e saj.
