Edi Rama ka thirrur në një takim informal kabinetin e ri qeveritar në Vlorë. Mbledhja nisi në orën 17:00, ndërsa ajo po mbahet në një prej restoranteve në zonën e Llogarasë.
Mësohet se në takim do të jetë i gjithë kabineti i sapoemëruar, kryetari sapozgjedhur i parlamentit, Gramoz Ruçi dhe kryetari i grupit parlamentar Taulant Balla.
Në fokus do të jetë finalizimi i punës për programin e qeverisë, draft-planin e ministrive që do t’i paraqiten grupit në mbledhjet e para. Po ashtu, me kryetarin e asamblesë dhe të grupit parlamentar do të finalizohen propozimet për ekipin drejtues të grupit dhe të komisioneve parlamentare.
Pikat e diskutimit
1-Ndarja e kompetencave
2-Rregullimi i 104 drejtorive në varësi
3-Shpërndarja e godinave ministrore
4-Përgatitja e kuadrit ligjor që bën të mundur zbatimin e skemës së re qeverisëse
5-Hartimi i programit qeverisës që miratohet në parlament së bashku me votëbesimin e qeverisë.
6-Drejtimi i 5 komisioneve parlamentare nga PS (5 kryetarët dhe shpërndarja e anëtarëve).
Pse rrogat rriten në letra, por varfëria rritet në realitet?
