Kryeministri Edi Rama ke hedhur dritë mbi pyetjet që i bënë më Gjermani për çështjen e ish-ministrit të Brendshëm, Saimir Tahiri. I ftuar sonte në “Tonight Ilva Tare” në Ora News, Rama deklaroi se ai i është përgjigjur të gjitha pyetjeve që i janë bërë për Tahirin.
Kryeministri theksoi se në Bundestagun gjerman ka disa njerëz që janë nën nën presionin e disinformimit të vazhdueshëm që bëhet nga Tirana. Rama nuk i ka konsideruar si normale pyetjet që iu bënë për Tahirin.
“Me pyetën për atë që dihet mbi Tahirin. Më pyetën lidhur me interpretimin e bërë nga komisioni i mandateve. Janë disa njerëz në atë grup parlamentar që janë fatkeqësisht nën presionin e disinformimit të vazhdueshëm që bëhet nga Tirana. Dhe kohë për tu marrë në detaje me Shqipërinë nuk kanë, dhe unë kam shpjeguar atë që është publikisht e shpjeguar. Nuk ishte ndonjë gjë e veçantë. Janë bërë pyetje dhe unë i jam përgjigjur të gjitha pyetjeve,” deklaroi Rama.
