Kryeministri Edi Rama ka vizituar sot në spital efektivin e policisë, Fadil Allaraj, i cili u plagos në protestën e parë për vdekjen e 25-vjeçarit Klodian Rasha.
I shoqëruar nga drejtori i përgjithshëm i Policisë së Shtetit, Ardi Veliu dhe ministrja e Shëndetësisë Ogerta Manastirliu, Rama tha se po bëhen përpjekje që efektivi të niset drejt Turqisë për kurim të specializuar.
“Arritëm të mbajmë syrin. Ka dëmtim në kornea-n e syrit, në fillim ishte shumë i dëmtuar. Arritëm në 80% të mbajmë syrin”, tha një prej mjekeve që ndjek efektivin.
Shpresa e efektivit është që të dërgohet në Turqi, për një mjekim të specializuar.
“Kjo është frika, kisha frikë se s’do shifsha më fare. Shpresa e vetme është që të lëviz në Turqi, këtu doktorat kanë bërë maksimumin”, tha efektivi i policisë.
