Menjëherë pas publikimit në media të lajmit për mosdekretimin e Ministrit Sandër Lleshi nga presidenti Ilir Meta, kreu i qeverisë Edi Rama u është drejtuar me një sms deputetëve të grupit parlamentar të Partisë Socialiste.
Kryetari i Partisë Socialiste iu kërkon deputetëve të tij që të mos lëshojnë asnjë koment për vullnetin e treguar nga kreu i shtetit.
“Lutem asnjë lloj komenti askujt për vendimin e Presidentit! Ne jemi shumica dhe ne kemi detyrën t’i dalim Zot njerëzve, vendit, Kushtetutës me maturi dhe vendosmëri. Politika është shah, mos e harroni”, thuhet në mesazhin e Kryeministrit drejtuar deputetëve.
