Kryeministri Edi Rama ka dalë sot në një tjetër komunikim live, ku ka bërë publike disa vendime të reja në lidhje me masat kufizuese.
Kreu i qeverisë bëri me dije se duke filluar nga java e ardhshme do të ketë një rritje të orarit për Pazar. Gjithashtu ai sqaroi se do të hapen edhe rrugët ndërqytetëse për taksitë .
Sipas tij, nga data 4 maj do të ketë të tjera lehtësime sa i përket lëvizjes brenda qyteteve, duke paralajmëruar se mund të ketë edhe një hapje të bllokut të tretë të bizneseve.
“Hapja e domosdoshme duhet të jetë graduale. Vigjilenca duhet të jetë maksimale, imponimi dhe vetëimponimi i rregullave duhet të vazhdojë. E di që iu kanë lodhur mërzitur lejet, autorizimet, ndryshimet por duhet të kuptoni që kjo është një dhimbje koke për ju dhe për mua që kam përgjegjësi t’ju mbroj. Javën e ardhshme do e rrisim orarin për Pazar dhe do hapim dhe rrugët ndërqytetëse për taksitë. Dhe nga e hëna 4 maj do ta lehtësojmë shumë lëvizjen brenda qyteteve, qoftë me këmbë, qoftë me makinë madje pa e kufizuar tek makinat që duan të shkojnë në punë dhe po ashtu do hapim dhe bllokun tretë të bizneseve”, tha ai.
