Kryeministri Edi Rama është shprehur se shembja e godinës së Teatrit Kombëtar ishte një lëvizje e vonuar nga ana e qeverisë.
Në një intervistë për News24, Rama tha se godina ishte uzurpuar prej më shumë se dy vitesh dhe se ishte koha që të ndërmerrej ky veprim.
Sipas tij, procesi u mor përsipër nga Bashkia e Tiranës pasi qeveria po merret me zhvillimin ekonomik të vendit dhe me situatën e krijuar nga pandemia e koronavirusit.
“Shembja e teatrit ishte një lëvizje e vonuar. Ishte koha për ta bërë këtë veprim. Godina e teatrit u uzurpua për 2 vjet e gjysmë. Kështu siç rrodhën gjerat, mori për ters, edhe për shumë media që kaluan pa filtra shpifje dhe baltë, nuk kishte mundësi që ne të ktheheshim mbrapa. Në kushtet kur ne po shikojmë një klan tërësor zhvillimi ekonomik siç e kam paralajmëruar, për vetëfinancimin, por duke marrë parasysh dhe goditjen nga COVID, Bashkia e Tiranës ka marrë përsipër këtë proces”, tha ai.
