Gjatë konferencës me gazetarët, kryeministri Rama ka risjellë në vëmendje “dobësinë” e Metës për Partinë Demokratike.
Rama thumboi kreun e Kuvendit, pasi u shpreh se vetë Parlamenti u kthye në një klub dhe në një çadër, ku flisnin vetëm deputetët e opozitës.
“Kur erdhëm në pushtet, bëmë atë që do donte cdo mazhorancë. A ju kujtohet kur thoshte Saliu, Rama nuk njeh kushtetutën? Ne jo vetëm që ndryshuam rregulloren, duke e bërë siç do e donim ne, por falë kryetarit të Kuvendit që ka, siç e thotë publikisht dobësi për doktorin dhe unë shtoj për PD-në, u bë parlamenti në një klub, ku kishte më pak zor për të marrë peng një proces legjislativ që ka funksionuar në komisione, por asnjë ditë në sallë. S’kemi folur asnjë ditë në Parlament, sepse Parlamenti u bë çadër. Çadër u bë Parlamenti vetëm se ishim dhe ne aty, njësoj si çadra”, deklaroi Rama.
