Nga Himara, kryeministri Rama ka lëshuar një mori akuzash ndaj opozitës së bashkuar, e po kështu nuk është kursyer edhe me ironitë therëse. Ai ka përcjellë mesazhe të qarta jo vetëm ndaj Bashës e Kryemadhit, por edhe ndaj kreut të Shtetit, Ilir Meta, ku përmes talljes komentoi edhe daljen e tij në 5 të mëngjesit, duke iu drejtuar zyrës. Sipas Ramës, presidenti Meta nuk iu drejtua zyrës së tij një ditë më parë për shkak të agjendës së ngjeshur, por se nuk e zinte gjumi. Madje ai shtoi më tej, duke thënë se ai ha paçe me Fahri Balliun.
“Kjo është historikja e qeverisjes sonë, drejtësia. U bë shteti për një vit, as për pesë vjet. Procesi ynë do marr më pak kohë, se jemi mes Evropës, dhe të adoptojmë ato që të tjerët i kanë bërë para nesh. Iu kanë ardhur në majë të hundës nga ato karnavale, dhe do ia zhysim kokën siç e meritojnë.
Drejtësia që ka vonuar për 30 vjet, hap pas hapi nuk do i shpëtojnë drejtësisë. Jo të bëjnë provokime dhe të flasim me dy standarte. Nuk do e njohim 30 qershorin, këto lloj fjalimesh me një stil mafioz, nuk do vazhdojnë. Duan ta fusin Shqipërinë në gropë. Unë e kam me demokratin më ekstremist të Himarës, që nuk ushqehet nga SHQUP-i. I keni parë si i kanë veshët? Sikur kanë tre kokë. E kam me demokratët që hapin dyqan këtu. Që kanë hapur shtëpitë dhe iu vinë ato emaile.
Rama ik dhe ik, e unë mbeta duke ikur. Këtë punë kam. E pastaj të më rrëzojnë. Dhe këndojnë edhe himnin. Mblidhen të më rrëzojnë prapë. Mblidhen në darkë, për rrëzimin e qeverisë. Meta shkon në zyrë në 5 të mëngjesit. Ai nuk është se u zgjua për të shkuar në zyrë. Por ha paçe me Fahri Balliun.
U bë Presidenca si pica telefon 24 orë. Ha paçe me Fahri Balliun, se iku kjo punë. 30 qershori është aty, është i popullit, jo i partive. Partitë kanë detyrë të dalin para popullit.
Besoni ku të doni, po mos u bëni si fallxhorë; o Zot shpëtoje Shqipërinë nga blerja e votës. E keni parë Norën të qajë, Monika, Monika… Del flet për Zotin, sikur e ka në WhatsApp”, tha Rama.
