Rama sulmon partinë që e solli në pushtet në 2013-ën: LSI, problem për vendin

Kryeminsitri Edi Rama e ka cilësuar Lëvizjen Socialiste për Integrim, partinë e cila në 2013-ën e ndihmoi të vinte në pushtet, si problemin kryesor në vend.

Nga Lezha, ku prezantoi kandidatët për deputetë, Rama nuk i kurseu sulmet nga kryetares së LSI, Monika Kryemadhi, dhe Presidentit të Republikës, Ilir Meta.

Rama theksoi se zgjedhjet në 25 prill, do të përcaktojnë të ardhmen dhe të shkuarën.

Edi Rama: ”Skuadra e Monikës është problemi i madh i vendit tonë, problemi i madh i jetës sonë politike. I vetë politikës shqiptare. Këto zgjedhje mes të ardhmes dhe të shkuarës. Mes taksës progresive, dhe të sheshtë që është armiku real. Zgjedhje mes rilindjes urbane që duhet të vazhdojë, dhe edhe më thellë në zonat rurale. Dhe anti-qytetarisë planifikim. Është zgjedhje mes shëndetësisë që duam, dhe kështu me radhë.

Troç fare, thjesht fare. Është zgjedhje mes drejtësisë së re dhe Ilir Metës. Kush zgjedh sidomos LSI-në, sidomos LSI-në zgjedh Metës dhe jo drejtësinë.

Duke qenë se Ilir Meta është gati të japë dorëheqjen pas 25 prillit, ky është rasti për të gjithë ata që duan të çlirojnë nga barra gjithmonë e më e rëndë e imazhit që krijon ky njeri që ka marrë peng Presidencën dhe ka marrë peng Kushtetutën duke e shpërfytyruar rolin e kryetarit të shtetit. Të bëjnë zgjedhjen.”