Kryeministri Edi Rama, para pak minutash ka bërë një deklaratë të fortë lidhur me Metën. Ky i fundit ka dhënë një intervistë për një televizion grek, ku tha se Rama “ka marrëdhënie të vështira të paqëndrueshme me të gjithë, jo vetëm me Greqinë, por dhe fqinjë të tjerë”.
“Rama ka marrëdhënie të vështira me të gjithë dhe të paqëndrueshme, përfshirë dhe Greqinë, por jo vetëm Greqinë, por dhe fqinjë të tjerë. Së dyti, ka qenë për fat të keq, i pamundur për të treguar vetëpërmbajtje, tolerancë në sjelljen e tij si kryeministër brenda vendit. Unë jam sforcuar shumë për të shmangur konfrontime, të cilat mund të kishin sjellë një situatë tepër të rëndë në Shqipëri, siç ishte në radhë të parë dëshira e tij për të miratuar një reformë në drejtësi, duke përjashtuar opozitën nga një reformë kaq historike që do të kishte sjellë një konflikt tepër të rëndë. Dhe së dyti, rasti i fundit dëshira e tij për të zhvilluar zgjedhje pa opozitën, gjë që do të ishte diçka e tmerrshme për një vend demokratik si Shqipëria, me 27 vjet pluralizëm, vend anëtar i NATO-s, vend kandidat për në Bashkimin Evropian”, tha ndër të tjera Meta në intervistë, për të cilën ka reaguar sot Rama.
Kryeministri e quan shokuese intervistën e Metës, ndërsa pyet se si mundet një president të shajë kryeministrin e vendit si të ishte ekstremist fqinj.
