Nënkryetari i Lëvizjes Socialiste për Integrim, Luan Rama, ka reaguar lidhur me përdhunimin e 25-vjeçares Xhisiela Maloku, nga djali i deputetit socialist Rrahman Rraja.
Me anë të një postimi në rrjetet sociale, Rama ka sulmuar deputetët socialiste për heshtjen e tyre. Ai me ironi thotë se partia e ‘Rilindjes’, jo vetëm që nuk ka burra, por as gra nuk ka.
Luan Rama kërkon të dijë si ka mundësi që asnjë prej kësaj partie nuk tha një fjalë, për të dënuar dhunën ndaj së resë, kjo në shenjë solidariteti njerëzor me të dhunuarën. Sipas tij, kjo nuk shkon me mburrjen që vjen nga PS, kur flasin për barazi mes grave dhe burrave.
