Kryeministri Edi Rama ka theksuar herë pas here mbrëmjen e sotme në studion e “Opinion” se nuk e ka në plan që të japë dorëheqjen. Madje ai deklaroi se sa më shumë që të tjerët të kërkojnë forma për ta larguar, aq më shumë ai do qëndrojë në pushtet.
“Unë kam qenë i vetëdijshëm kur e kam marrë përsipër se çfarë lufte do bëj. Juve jeni mësuar 25 vjet me të njëjtin llum. Unë kam marrë përsipër të pastroj llumin dhe normalisht do bëhesh pis. Ne nuk jemi më të mirët, por më të mirë se ne nuk ka. Një kryeministër jep dorëheqjen kur ka një problem me ligjin apo me popullin e vet. Unë s’kam ndonjë problem të tillë”, tha Rama.
I pyetur se përse nuk e ka bërë Vettingun e politikanëve, kryeministri u përgjigj se “Vetting-un e politikanëve do e bëjë SPAK dhe Byroja e Hetimit”.
