Kryeministri Edi Rama tha sonte se ai nuk ka vepruar asnjëherë si Basha të bëjë pagesa vetëm për një foto me Presidentin Amerikan. I ftuar sonte në emisionin “Studio e Hapur”, Rama tha se për të ka lobuar një shqiptar që është nisur për mirë por që ka rënë ndesh më ligjet e SHBA-ve. Nuk ka asnjë lidhje fotoja ime me Obamën me rastin e lobimit për foton e Bashës me Trump. Ai që bëri gabimin pagoi për atë, sot është qytetar i lirë.
“Ai që ka financuar për foton time ishte një shqiptar që u nis për një gjë të mirë por ra ndesh me ligjin amerikan. Ai e pranoj fajin e tij dhe sot është një qytetar i lirë. Unë dhe Partia Socialiste kurrë nuk kemi lobuar apo të paguajmë para për një foto më presidentin e SHBA-ve ashtu si bën Lulzim Basha. Nuk kanë asnjë lidhje të dyja rastet. Sa i takon rastit në fjalë ska asnjë krahasim rasti në fjalë është i hetuar, i gjykuar dhe i përfunduar. Në rastin e përfunduar, zotëria që i është përfolur, emri i tij, ka pranuar fajësinë pasi në mosnjohje të ligjit amerikan ka shkelur ligjin. E pranoj fajin e tij. Dhe kaq. Ajo që flasim sot këtu është që nuk merr askush përgjigje. Kjo është një çështje që ska pasur kurrë me asnjë lloj financimi nga unë dhe nga PS dhe as nga asnjë lloj kanali. Ka emër dhe mbiemër personi që ka marrë përsipër këtë. Këtu ka mbaruar historia. Për fat të keq është ndodhur në shkelje të ligjit amerikan. Është çështje e hetuar dhe përfunduar,” deklaroi Rama.
