Kryeministri Edi Rama ka përfshirë në pazarin e tij me Greqinë zgjerimin e ujërave detare si kusht për të marrë mbështetjen nga vendi fqinj për t’u anëtarësuar në Bashkimin Evropian. Edhe pse Gjykata Kushtetuese ka hedhur poshtë marrëveshjen e dikurshme të qeverisë Berisha me atë greke për zgjerimin e ujërave detare, kryeministri Rama duket se po ndjek të njëjtin politikë si paraardhësi i tij Sali Berisha, kur është duke formalizuar një marrëveshje me Greqinë sa i përket zgjerimit të shefit kontinental, shkruan Tirana Today. 
Këtë të fundit e bëri të ditur, ministri i Jashtëm i Greqisë Nikola Kotzias, ku dhe detaje lidhur me takimin tre ditor që pati me ministrin tonë Ditmir Bushati në Korçë. Ndryshe nga ministri jonë, homologu ti tij grek ka folur për bisedat që ka pasur me Bushatin, duke filluar që nga çështja çame e deri tek marrëveshja për vijë bregdetare. Në një intervistë për “ERT”, Kotzias është shprehur se çështja çame nuk ekziston dhe se gjatë takimit me homologun shqiptar nuk kanë biseduar për të.
Më tej, i pyetur për një marrëveshje midis Greqisë dhe Shqipërisë, për vijën bregdetare, Kotzia është shprehur se Shqipëria ka pranuar që të zgjerohet zona bregdetare greke në 12 milje.
Në këtë kontekst, Shqipëria ka pranuar zgjerimin e ujërave territoriale greke me 12 milje, maksimumi i lejuar nga Konventa e Kombeve të Bashkuara mbi Ligjin e Detit. Duke folur në ERT, Kotzias është shprehur dhe shpreson të arrihet një pak me Shqipërinë në afërsi të Pashkëve, para vizitës së kryeministrit Aleksis Tsipras në vendin tonë.
Këto lëvizje pritet të ndodhin në një muaj, kur Komisioni Evropian pritet të paraqesë opinionin e tij për Shqipërinë, kur vetë Tsipras ka shprehur mbështetjen e tij për integrimin e Shqipërisë në BE.
Ky pazar i kryeministrit Edi Rama, duket se është bërë në këmbim të një vote pro të Greqisë për anëtarësimin e Shqipërisë në BE. TIRANA TODAY
