Kryedemokrati Basha, i është përgjigjur ftesës së kryeministrit Rama për dialog, duke iu kthyer me përgjigjen se kjo situatë nuk duhet përdorur për agjendën politike.
Në mesazhin e radhës në Facebook, kreu i PD-së shprehet i gatshëm për të bashkëpunuar, për të nxjerrë vendin nga rrënimi. Ndër të tjera ai citon se do të mbështesin çdo përpjekje për të ndihmuar njerëzit e goditur nga tërmeti shkatërrimtar i 26 nëntorit.
Mesazhi i radhës vjen kundrejt Ramës, ku i bën thirrje që këtë kohë dhimbjesh, mos ta përdorin për qëllime politike.
“Përgjatë këtyre ditëve të vështira, qëndrimet tona kanë qenë konstante. Ne mbështesim çdo përpjekje për të ndihmuar njerëzit e goditur, dhe ne kemi vullnetin për të ndarë idetë dhe planet tona me këdo që ka dëshirë të dëgjojë.
I bëj thirrje atyre që po e përdorin këtë kohë dhimbjesh dhe vuajtjesh për axhendën e tyre politike, ta fokusojnë energjinë dhe vëmendjen tek ata që kanë më shumë nevojë se kurrë për ndihmë!
Për këdo që ka vullnetin të dëgjojë, ky është propozimi ynë në këtë fazë të emergjencës”, shkruan Basha.
