Kryeministri Edi Rama ka votuar në Surrel, teksa ishte i shoqëruar edhe nga bashkëshortja e tij. Ai u përball me një mori pyetjesh nga gazetarët, por nuk preferoi t’u përgjigjej.
Si duket, i zënë ngushtë prej pyetjeve thumbuese, Rama ka tentuar t’i marrë me të mirë përfaqësuesit e medias, duke shmangur përgjigjet e pyetjeve se çfarë do ndodhë nesër, me dekretin e ri të presidentit për zgjedhjet e reja në tetor.
Ai tha se është në paqe me gazetarët, dhe se nuk e tundojnë dot me pyetjet e shpeshta drejtuar në adresë të tij.
Debati:
Gazetarja: Z. Rama, ç’do ndodhë me 13 tetorin? Nëse opozita merr qoftë edhe një bashki më tepër, a do shkoni ju në zgjedhje të parakohshme, siç keni deklaruar?
Rama: Jam në paqe me ju, ju dua shumë, as nuk më tundoni dot. Ju dua shumë, jeni më të mirët, por a mund të ma hapni rrugën?
Gazetarja: Jeni në paqe me median, s’duhet ta prishni sot…
Rama: A mund të ma hapni rrugën?
Gazetarja: Çfarë do ndodhë me 13 tetorin?
Rama: Akoma nuk e mësuat që rruga nuk i zihet askujt që është në të drejtën e vet?
Gazetarja: Si ishte të votoje në komunizëm z. Rama?
Rama: A mund të ma hapni rrugën?
Gazetarja: Po nesër çfarë do ndodhë, do shkoni në tryezë dialogu me opozitën?
Rama: A mund të ma hapni rrugën? Ja dallimi i madh midis të shkuarës dhe të sotmes, sot të zënë rrugën gazetarët dhe qofsh kush qofsh, je i detyruar të kërkosh dhe të lutesh, a mund të ma hapni rrugën?
Sfida e 30 qershorit/ Rama: Me popullin nuk luhet, politikanët të lënë pas hesapet me njëri-tjetrin
