Bisedimet mes Greqisë dhe Shqipërisë nuk kanë një unifikim të qëndrimeve mes të dyja vendeve. Gjatë paradites së sotme, ministri i jashtëm i Greqisë ka deklaruar se shteti grek do të përfitojë zgjerim të kufirit detar me 12 milje në det-shkruan Tirana Today.
Por pak më parë vetë ministria e Jashtme dhe e Evropës, ka deklaruar se ende nuk ka një marrëveshje të tillë mes vendeve, por u theksua se kjo është në interes të zgjidhjes së problemeve me të dyja vendet duke korrigjuar gabimet trashanike të bëra në të shkuarën-shkruan Tirana Today.
Gjatë ditës së djeshme në raportimin mbi bisedimet në Komisionin e Jashtëm, ministri Bushati tha se e ka informuar presidentin e Republikës Ilir Meta në lidhje me këto bisedime dhe theksoi se gjatë tyre është shprehur bindja për t’i qëndruar vendimit të Gjykatës Kushtetuese në lidhje me paktin detar me Greqinë.
Nga ana tjetër ministri i Jashtëm i Greqisë, Kotzias, ka deklaruar në televizionin shtetëror grek, se me Shqipërinë është rënë dakord për ndryshim të vijës kufitare. Ai u shpreh se Shqipëria i njeh Greqisë të drejtën për ta shtrirë kufirin në 12 milje detare.
Ndërkohë këto deklarata janë të një aspektin politik, pasi palët kanë rënë dakord për njohjen reciproke në aspektin e përgjithshëm, ndërsa puna konkrete iu takon ekspertëve të cilët kanë njohuri të plota për zgjidhjen e çështjeve. Tirana Today mëson nga burime konfidenciale brenda presidencës se diskutimet janë në nivel politik, ndërsa nuk është ngritur një grup punë për të vepruar konkretisht.
“Takimet mes dy ministrave kanë qenë politike dhe nuk është ngritur një grup pune për të punuar konkretisht me këtë çështje, për aq kohë sa është kështu, ajo duhet konsideruar si jo e plotfuqishme”-shprehen burime nga Presidenca për Tirana Today.
Këta ekspertë duhet të marrin plotfuqinë nga Presidenca, pasi kështu e parasheh ligji. Ndërkohë kjo është një çështje që është shprehur edhe Gjykata Kushtetuese në rastin e rrëzimit të parë të marrëveshjes së 2009, të bërë nga qeveria Berisha. TIRANA TODAY
