Në konferencën e përbashkët për mediat mes kryeministrit Edi Rama dhe Presidentit të Komisiont Evropian, Jean Claude Junker është folur në lidhje me rezultatet e para të reformës në drejtësi.
Teksa ka përshëndetur arritjen e Shqipërisë, Junker theksoi se është e nevojshme që lufta kundër korrupsionit të vazhdojë me intensitet të lartë. Ndërkohë kryeministri Rama e informoi Junkerin se reforma në drejtësi ka dhënë rezultatet e para.
Sipas Ramës, janë 17 gjyqtarë dhe prokurorë të cilët janë larguar nga procesi i vettingut dhe nuk do të jenë më pjesë e sistemit të drejtësisë. Kreu i qeverisë deklaroi se kjo është një strategji, e cila tregon se kapitulli i ri i zbatimit të drejtësisë në dobi të qytetarëve sapo ka nisur.
“Komisioni ka rekomanduar që në nëntor të 2016, çeljen e negociatave duke theksuar çuarjen përpara të reformës në drejtësi dhe zbatimin e Vettingut. Në momentin e daljes së këtij rekomandimi, ne nuk kishim kaluar ligjin, që takimin e kemi kaluar. E informova Presidentin sot që flasim se 17 prokurorë dhe gjykatës që janë tërhequr nga vettingu, që faktikisht nuk do të jenë më pjesë e sistemit gjyqësor. Kjo tregon se kjo ka filluar të funksionoj drejt. Ky është një kapitull i drejtësisë së re dhe të pavarur”-ka theksuar Rama.
