Kryeministri Edi Rama gjatë fjalës së tij sot në Kuvend theksoi se do ta rikthejë projektin origjinal të Teatrit Kombëtar, mirëpo nuk do të ndërtohet aty ku ishte, por në një tjetër vend.
Kreu i Qeverisë sqaroi në vijim se projekti i arkitektit italian për TK do të rikthehet, ndërkohë nuk do shërbejë si teatër, por do jetë për fëmijët.
“Ne do ta marrim projektin origjinal dhe do ua rikthejmë jo aleancës për politikën me teatrin, jo artistëve apo artistëve politikanë, por do ua rikthejmë fëmijëve, si pjesë e një programi më të madh. Do të përputhen gjërat dhe do ta kemi mes nesh, jo aty dhe jo teatër.
Për më shumë do ta shikoni dhe pastaj do të shikoni pelegrinazhin për të shkuar te ajo godina, jo ju, por fëmijët për t’ju mësuar aktrimin, apo edhe ndonjë nostalgjik.
Edhe këta kur të marrin vesh se është diku tjetër do të mërziten dhe do të thonë mjaft tani.
Ia vlen dhe do ta bëjmë”, u shpreh Rama.
