Kryeministri Edi Rama ka replikuar me kryetaren e grupit parlamentar të PD-së, Rudina Hajdarin. Rama iu përgjigj komentit të kësaj të fundit për humorin, duke i thënë se ai s’të bën keq dhe është forma më e mirë për t’ju kthyer brutalitetit pa rënë në brutalitet.
“E kam dëgjuar shpesh këtë mënyrën e të ironizuarit me batutat e humorit he dua t’ju siguroj se humori është e vetmja armë për t’ju kthyer brutalitetit pa rënë në brutalitet. Nga an tjetër nuk mendoj se Lulzimit i ka ardhur ndonjë e keqe nga e qeshura. Besoj se momentet më të bukura të parlamentit janë momentet kur bëhet humor. E bëjnë njeriun të reagojë kur është brutal apo nuk ka argument.”
Më tej, Rama komentoi marrëveshjen e 2009-ës, teksa iu drejtua deputetes Hajdari se pa këtë marrëveshje, ajo nuk do ishte në Kuvend:
“Po të mos ishte marrëveshja e 2009-ës, ju nuk do ishit këtu në parlament, kjo është një nga të mirat që marrëveshja ka sjellë, ka një numër grash që dikur as s’mund të imagjinohej, që sot Shqipëria ka një qeveri që k më shumë gra se burra.
Nuk mendoj se cilido prej nesh është në cilësinë të bëjë krahasime me dinjitoz apo jo dinjitoz, nuk i hyj këtij krahasimi se nuk e kam këtë kapacitet të bëj gjykime kaq të papërshtatshme.
Nga ajo marrëveshje kemi pasur zgjedhje shumë më të mira se më parë, kemi një parlament në përbërje shumë më cilësor se më parë. Nuk ekziston një sistem zgjedhor që është më i mirë se një tjetër, çdo sistem ka të mirat dhe të këqijat e veta.”
Më tej, Rama iu përgjigj edhe akuzave se shqiptarët po emigrojnë masivisht për shkak të qeverisë, si dhe komentoi akuzën e Hajdarit se kryeministri “foli për përralla me mbret”:
“Ju lutem gjeni argumentet e duhur për ndryshimin e sistemit dhe mos e bëni një betejë morali. Mos e harron që ju vetë keni ikur në Amerikë dhe jeni kthyer, është zgjedhja juaj. Kemi zgjedhur vetë një sistem ku jemi hapur ndaj botës, shqiptarët kanë ikin, ikin dhe do ikin. Meqë fole për përralla mos trego përralla duke bërë sikur argumenton, sikur fluksi i ardhjeve dhe ikjeve u varka nga ajo që bëjmë ne këtu. Padyshim mund të bëjmë më mirë, por kurrë s’mund të bëjmë mrekulli që ta bëjmë Shqipërinë Gjermani sot.”/ Tirana Today
