Kryeministri Edi Rama publikon në rrjetin social “Facebook” një video ku shfaqet duke u takuar më zëvendëspresidentin e SHBA-ve, Mike Pence në Samitin e Kartës së Adriatikut.
Rama shkruan se takimi me Pence ishte për rikonfirmimin e vullnetit të SHBA-ve dhe të vendeve të rajonit për të ecur më tej përpara, të gjithë së bashku, në mbrojtje të interesave strategjike të popujve tanë.
Gjithashtu në postim kryeministri ynë shkruan se është takuar me homologun e tij të Malit të Zi për të cilin tha së u ndoq me interes të lartë dhe me ndjeshmëri nga opinioni publik mbarëshqiptar për rastin e Ballist Morinës, për të cilin u theksua nevoja për zgjidhjen më të arsyeshme.
Postimi i plotë i Ramës në Facebook
Në Mal të Zi me zv.Presidentin e SHBA, Mike Pence, dhe liderët e rajonit tonë për Samitin e Kartës së Adriatikut. Zv.shefi i Shtëpisë së Bardhë nënvizoi fort, interesin e Shteteve të Bashkuara për të forcuar bashkëpunimin me vendet e rajonit, si edhe domosdoshmërinë për të rritur ndërveprimin mes SHBA e vendeve të rajonit e po ashtu mes vetë vendeve të rajonit, në funksion të përballimit me sukses të sfidave të sigurisë, paqes e prosperitetit, në rajon e në Europë.
Takimet bilaterale me zv.Presidentin Pence, si edhe me liderët e tjerë të rajonit, patën rëndësinë e tyre të posaçme për rikonfirmimin e vullnetit për të ecur më tej përpara, të gjithë së bashku, në mbrojtje të interesave strategjike të popujve tanë.
Në takimin me Kryeministrin kroat, Plenkovic, u përcoll edhe ndjeshmëria e lartë e opinionit publik mbarëshqiptar për rastin e Ballist Morinës dhe u theksua nevoja për zgjidhjen më të arsyeshme të tij.
