Kryeministri Edi Rama ka publikuar në Facebook një SMS që i ka ardhur atij nga ish-kryetari i Partisë Socialiste, Fatos Nano.
Në këtë mesazh Nano thotë se është i bindur që fitorja e PSSH në zgjedhjet e 25 qershorit do garantoje Rilindjen e pakthyeshme të Shqipërisë Europiane.
Nano shkruan se PS do të fitojë e vetme pa pasur nevojën e aleancave.
Me këtë mesazh Nano është duke treguar se është pro politikave të kryeministrit Rama dhe e mbështet atë.
Fatos Nano dhe Edi Rama u takuan para disa ditësh në Durrës në një takim jashtë vëmendjes së medias.
SMS NGA FATOS NANO:
Të dashur Edi e Gramoz!
Uroj nëpërmjet jush, gjithë socialistet anembanë Shqipërisë për 26 vjetorin e familjes sonë të patjetërsueshme! Jam i bindur se fitorja e PSSH në zgjedhjet e 25 qershorit do garantoje Rilindjen e pakthyeshme të Shqiperisë Europiane, pa deformimet e pseudoaleancave të deridjeshme! Ky është destini dhe destinacioni ynë i përbashkët, prandaj kam shumë besim se çdo shqiptar i arsyeshëm do të vendose që në këtë udhëkryq historik, timonin e qeverisjes së këtij vendi ta besoje në duart tona!
