Ish-kryeministri Sali Berisha është prononcuar në lidhje me procesin e zgjedhjes së Presidentit. Berisha akuzoi kryeministrin se e ka kthyer këtë proces në një “kushinë familjare”, ndërsa shtoi se Rama propozoi bashkëshorten e tij për Presidente. Me anë të një konference për mediat nga selia blu, Berisha shigjetoi Ramën se e ka kthyer procesin e zgjedhjes së Kreut të Shtetit, nga një proces kushtetues në një “kuzhinë familjare”, duke propozuar përmes analistit Baton Haxhiu gruan e tij si Presidente.
“Zhvillime ka pasur këtë javë dhe në procesin qesharak të zgjedhjes së Presidentit. Ato arrijnë deri aty që nëpërmjet Baton Stanuishiçit, Edi Rama të propozonte për Presidente gruan e vet. Arriti ta personalizojë në këtë shkallë, nga një proces kushtetues e ka kthyer në një kuzhinë familjare”, tha Berisha.
