Kryeministri Edi Rama, gjatë fjalës së tij në Asamblenë e PS-së i ka bërë kritika të ashpra SPAK-ut. Rama tha e gjithë Shqipëria e do Ilir Metën para SPAK-ut. Kreu i qeverisë kritikoi SPAK-un se nuk kanë bërë asnjë hetim për gjyqtarët dhe prokurorët e shkarkuar nga Vettingu, të cilët i quajti “peshq të mëdhenj”. Ai iu referua Ardian Dvoranit, që sipas tij, ndonëse u cilësoi kampion i luftës kundër korrupsionit nga Sekretari i Shtetit, u shënjestrua nga Prokuroria e Posaçme, ndërsa për këtë fajësoi Ilir Metën. “SPAK-u në mënyrë të rrufeshme a thua se ishte i koordinuar si sahat zviceran me atë zotërinë që për pak ditë më në fund do të largohet nga zyra e Presidentit. Çështje në hetim, gjë të cilën, pastaj procesi gjyqësor e çmontoi dhe e shfryu si një fluskë sapuni. Por nëse ky sahat zviceran do të ishte i pakonkurueshëm, sa gjykatës dhe prokurorë të nxjerrë jashtë nga Vettingu për pasuri marramendëse do të ishin sot më burg. Sepse u bë kohë që peshkaqenët e mëdhenj Vettingu i ka flakur jashtë. Ku janë sot? Ata janë në punën e tyre. Nuk u ka hyrë asnjë gjemb në këmbë.
BE-ja ia ka lënë Shqipërisë me shkrim për të vazhduar procesin dhe në monetin që do të ulet në tryezë, gjëja e parë është se sa gjykatës dhe prokurorë janë marrë në hetim. Zero. Kampioni i anti-korrupsionit me vulë dhe me firmë është futur në hetim nga SPAK-u. Për çfarë? Për një denoncim të kujt? Të atij që e gjitha Shqipëria mezi pret ta shoh përpara SPAK-ut, Ilir Metës.
Unë e kam udhëhequr ketë proces, pa bërë asnjëherë asnjë diskutim të asnjë neni. Juristët tanë kanë pasur rezerva, unë nuk mendova që mjafton të behet kjo dhe gjithçka do të ishte mirë. Jam gjithmonë edhe më i paduruar përballë faktit që ata që e nxin totalisht Shqipërinë, e bën një vend ku pandëshkueshmërisë janë të paprekur.
Me një lehtësi të hatashme, SPAK shkon dhe bën sahatin zviceran me Ardian Dvoranin. Ai sot e gjithë jetën jeton në një apartament të para viteve 90. Ndërkohë që ata që i ka vilat e rreshtuara, këta janë të gjithë duke pritur finalet e Champions League”, u shpreh Rama.